A Garda Civil investiga as circunstancias nas que faleceu un home da localidade coruñesa de Brión, vítima dun incendio no seu coche, que tamén lle provocou queimaduras á súa muller, da que estaba en trámites de separación. O Portavoz parlamentario do Partido Popular confirma que o goberno tomará medidas respecto ao sector lácteo, unha vez que se coñezan as conclusións de Competencia sobre o acordo de prezos francés. Alternativa Galega de Esquerda insistiu en que é necesario garantirlles un prezo mínimo aos gandeiros e o sindicato unións agrarias asegura que o que perciben os produtores segue a caer O Deportivo volta aos adestramentos, logo da crise vivida durante a fin de semana polo enfrontamento da sesión do sábado entre dous xogadores, Luisinho e Arribas . O Celta tamén volve esta tarde aos adestramentos con forza despois de golear ao Genoa italiano, na disputa do Memorial Quinocho. (17/08/15)
