O Alcalde das Pontes, o socialista Valentín González Formoso, será, a partir de mañá, o novo presidente da Deputación da Coruña, logo do acordo entre o PSdeG-PSOE e o BNG. Goretti Sanmartín, do Bloque, será a vicepresidenta // O escritor Xosé Neira Vilas, autor de "Memorias dun neno labrego" e o padexeiro David Cal, o deportista español que gañou máis medallas olímpicas, figuran entre os persoeiros aos que a Xunta lles concedeu as medallas de ouro de Galicia, que serán entregadas o próximo día 24 // A Xunta deulle o visto e prace ao proxecto de Lei do Solo que agora vai ser enviado ao Parlamento. Establece novas pautas para a ordenación urbanística do medio rural para facilitar o seu desenvolvemento, protexendo, ao mesmo tempo, a paisaxe. 15/07/15