Seguen as investigacións sobre a aparición nesta casa de Ponteareas, dun cadáver esnaquizado e metido nun conxelador. Un Equipo especial de criminólogos está a analizar os restos, tratando de averiguar de que persoa se trata. Foron localizados, dentro do conxelador, polo dono da vivenda, cando entrou nela para saber algo do inquilino, do que non tiña noticias dende hai meses // Detido un veciño de Ortigueira, acusado de acosar a rapazas menores de idade facéndose pasar nas redes sociais polo seu fillo, tamén menor de idade. A detención produciuse logo da denuncia presentada nunha localidade sevillana, por unha nai á que a súa filla lle dixera que se sentía acosada por un rapaz da súa mesma idade ao que coñecera a través dun chat // Máis 10 mil estudantes galegos comezaron hoxe a selectividade. Esta temida proba que comezaron con lingua e literatura castelá. A selectividade desaparecerá dentro de 3 anos pero as facultades seguirán mantendo probas para para acceder os estudos superiores
