Tomaron posesión dos seus cargos os novos titulares da consellería de Facenda, Valeriano Martínez e de Educación e Cultura, Román Rodríguez. Substitúen a Elena Muñoz e Jesús Vázquez, que deixan a Xunta para facerse cargo das candidaturas do Partido Popular ás alcaldías de Vigo e Ourense // Xa está case listo, na Coruña, o último treito da Terceira Rolda que podería estar en funcionamento en días. Vai permitir chegar ao centro da cidade por vías de alta capacidade, dende o enlace coa autovía A-6 // Tras dezaseis anos de litixio xudicial retornan ao Museo de Lugo as 40 pezas de ourivería prerromana do legado do filántropo lucense Álvaro Gil. O acordo asinado entre a deputación e os seus herdeiros permitirá ao Museo provincial expor de novo esa colección. 10/02/15
