A calor destes últimos días empeza a darnos unha tregua. A pasada noite xa comezou a entrar aire marítimo que refrescou o ambiente, sobre todo nas zonas costeiras de toda a comunidade. A Xunta levantou a alerta por vaga de calor e as comarcas do interior, onde os termómetros ainda están altos, pola noite, tamén vai refrescar // A documentación incautada aos 4 galegos detidos na operación contra a pedofilía e pornografia infantil en internet descubre os plans que tentaban levar a cabo contra menores. O delegado do goberno Samuel Juarez di que as detencions permitiron evitar as "barbaridades" que proxectaban // O xuízo polo accidente do Prestige chega ao seu remate. Hoxe desenvólvese no recinto de ExpoCoruña a penúltima xornada da vista na que o avogado da empresa propietaria do petroleiro tratou de argumentar que o estado pretendeu presentarse coma vítima do sinistro. Para mañá está prevista a intervención final da defensa do Ex-Director Xeral da Maríña Mercante, José Luis López Sors.
