A Ministra de Agricultura prometeu hoxe en Galicia un tratamento específico para as mulleres que traballan en actividades relacionadas co mar. A titular do departamento de Agricultura e Medio Ambiente, Isabel García Tejerina, acompañou ás mariscadoras nunha praia de Cambados, despois de visitar unha empresa conserveira e unha batea de produción de mexillón, na ría de Arousa // En Avión, Ourense lembran hoxe a orixe galega de Mario Vázquez Raña, un dos empresarios máis ricos do mundo. Acaba de falecer en México aos 82 anos vítima dun cancro // A policía segue a investigar o caso dos sen teito presuntamente secuestrados na Coruña para cobrar as súas pensións. De momento o único detido por este suceso está en liberdade con cargos mentres xa foron liberadas tres das súas supostas vítimas. 09/02/15
