Unha granxa de Cualedro, en Ourense sofriu o quinto roubo de gando que se rexistra este ano na zona. Os ladróns levaron, neste caso, 59 becerros, listos para vender e valorados nuns 75 mil euros. Sospéitase que as reses son levadas a Portugal para sacrificalas de xeito clandestino // Recupérase no hospital a moza de 20 anos rescatada onte logo de caer co seu coche ó rio Limia, en Lobios, Ourense, por un barranco de 25 metros de altura. O vehiculo quedou case sumerxido e a moza puido sair por ela soa e pedir axuda desde unha zona de moi dificil acceso. Fracturou os dous nocellos // A asma é a enfermidade crónica mais común durante a infancia e a causa que provoca mais ingresos hospitalarios dos nenos. Co inverno tan chuvioso que tivemos, unha primavera seca aumentaralles aos asmáticos os problemas polo alto nivel de pole. 07/05/13
