O paro continua á baixa, e o rexistrado diminuíu en Galicia no mes pasado un 4,7 % ; isto é, 12.000 parados menos que en xuño, o que sitúa a baixa na nosa comunidade, como a maior de España en termos absolutos, e como a segunda en termos relativos. Por sectores, restauración e hostalaría, rexistran a maior caída, con 8.000 parados menos Empeora a situación creada en Lugo pola folga dos traballadores da recollida do lixo. Os puntos de alerta sanitaria chegan xa ao medio cento. A semana pasada eran 13. Mais de 3.000 veciños de Marín continúan sen auga da traída, dende que o sábado rompera unha tubaxe de condución. O concello recuperou unha canalización antiga, e calcula que ata o xoves non se poderá solucionar o problema. Entrementres, os marineneses, en plena época de veraneo, teñen que sacar auga dos pozos ou das fontes. (04/08/14)
