Galicia foi unhas das comunidades autónomas nas que máis se reduciu o paro no pasado mes de xuño. Descendeu en algo mais de 11 mil persoas, un 4,23%, respecto ao mes anterior. Na media de España o descenso foi do 2,6% // Antes de que remate o ano estará listo o plan estratéxico para o camiño de Santiago para definir novas melloras e obras nesta ruta de peregrinación que acaba de ser distinguida coma un dos embaixadores da marca España pola súa proxección internacional // O expresidente da Deputación de Ourense, José Luis Baltar, recoñece que foi o responsable  das contratacións que o levaron a xuízo e polas que, ao inicio da vista, sinalara aos xefes de servizo da institución. Baltar cré que só houbo defectos de forma, na ausencia de publicidade na convocatoria pola que se cubriron 104 prazas. 02/07/14