Seguen os esforzos para tratar de localizar a Diana, desaparecida dende hai once días. Esta mañá saíron aos montes cercanos á Pobra os primeiros voluntarios que forman parte do dispositivo organizado a tal fin, baixo a coordinaciónn da Garda Civil. Son un grupo dunhas trinta persoas aos que se uniron membros de protección civil de varios concellos e que tratan de atopar calquera indicio ou obxecto que axude na investigación.
A Xunta destinará dez millóns de euros a resarcir aos propietarios afectados polos incendios deste verán e a reforestar os terreos calcinados. O Consello tamén coñeceu un acordo cos sindicatos para converter en bombeiros forestais a 2 mil traballadores dos dispositivos antiincendios.
Inditex abre na Coruña a tenda insignia da firma. O establecemento de cinco mil metros cadrados e seis andares que agrupa catro edificios abre no mesmo día no que a firma comeza a implantar en España o pago co móbil. (01/09/16)
