Close

Os Mariachi

Con guión e dirección de Carlos Ares, Xosé Castro e Andrés Mahía, retrata en clave de humor a rivalidade entre dúas familias que, aparentemente, non teñen nada en común: un notario recto e os seus veciños os Mariachi, descendentes de emigrantes mexicanos e cun estilo de vida un tanto desordenado. Ademais de Manquiña e Morris, os espectadores poderán gozar coas interpretacións de coñecidos actores do audiovisual galego e das comedias da Televisión de Galicia, como Patricia Vázquez, Federico Pérez, Marcos Pereiro, Cristina Andrade, Marita Martínez e Lucía Veiga, entre outros.

País: España
Idioma: Gallego
Contenido: Series
URL: http://www.crtvg.es/tvg/a-carta/programa/mariachi

Episodios disponibles para ver online

Pintadas / Desaparecidas - 08/01/2020 23:40
En 'Pintadas', o Notario e Lola Mariachi teñen unha gran discusión. E comezan aparecer pintadas por todo Caldelas facendo burla deles. Cúlpanse mutuamente de facelas. En 'Desaparecidas', o Caldelas xógase a vida nun derradeiro partido dramático. Por culpa da súa paixón polo fútbol, Evaristo perde o que máis quere na vida, as súas fillas xemelgas. A desaparición das nenas desata unha busca frenética que involucrará a elementos humanos e divinos.
Acampada / Licor ilegal - 18/12/2019 23:30
Na "Acampada", o Notario e Nuri levan toda a vida subindo ao Alto de San Telmo nunha excursión que serve para estreitar lazos familiares e compromiso coa natureza. Todo precioso. Ata que o Notario sabe que este ano Nuri quere levar a Suso con eles. Unha desgraza, opina o Notario. Pero todo pode ir a peor. A moito peor. En "Licor ilegal", os Mariachi fan o mellor licor café de todo Caldelas e a contorna e fan un gran negocio coa venta. O notario está en contra desa ilegalidade e vai tomar medidas.
Carioca no bar / Outro lado da lei - 11/12/2019 23:30
No episodio de "Carioca no bar", Lola e Felisa a Carioca discuten. Lola ten un accidente e a Carioca ten que facerse cargo do bar Mariachi. No "Outro lado da lei" despois da baixa por maternidade, Conchi decide reincorporarse antes de tempo ó seu posto de vixiante municipal. Unha decisión que Evaristo non acepta de bo grao.
Disco Mariachi / Amalia - 04/12/2019 23:15
O velorio / Chicho Mariachi - 04/12/2019 22:45
Todo Caldelas despídese de Tino (Morris) na taberna trala súa inesperada morte mentres Lola procura manter en segredo como foi o pasamento. Durante o abellón aparece por sorpresa Chicho, o irmán de Lola, moi disposto a poñer orde na familia. En Chicho Mariachi, mentres Lola tenta recuperarse da perda, Chicho aproveita para falar co Notario e chegar a un acordo beneficioso para ambos. Todos, agás Lola e Suso, sospeitan das perversas intencións coas que Chicho chegou a Caldelas.
'Festa rachada' / 'A escapada' - 04/12/2019 22:00
En Festa Rachada, achégase a festa do San Cosme, unha romaría ao que o notario tenlle moita devoción. Pero este ano a festa ten un organizador inesperado. E todas as parellas precisan sair da rutina diaria de cando en vez, e iso é o que van facer os Mariachi, cambiar as súas vidas por un día só para caer na conta de que, pese a todo, teñen motivos para ser felices... ou polo menos non tan infelices como o amargado do Notario.
'Aumento de soldo' / 'A viaxe' - 15/01/2019 22:15
En 'Aumento de soldo', Evaristo, o gran vendedor, ten un desacordo laboral e decide deixar o traballo e iniciar unha nova vida. Pero os tempos son difíciles e o traballo que atopa é o máis inesperado.  En “A viaxe”,  Evaristo e Conchi prepáranse para marchar de vacacións e non teñen con quen deixar ao Nene e ás xemelgas. 
'Vida en parella' / 'O aniversario de mamá' - 08/01/2019 22:15
En Vida en parella, Suso e Nuri están fartos de disimular a súa relación e ter que verse ás agochadas. Queren vivir xuntos e compartir o seu amor co mundo. A matriarca dos Mariachi celebra o seu aniversario e como todos os anos, cada un dos membros do clan esmérase en facerlle o mellor dos agasallos e, coma sempre, as cousas non saen como eles esperaban. 
'O incidente' / 'Preñada' - 01/01/2019 22:00
'As pastillas azuis' / 'Candidata Conchi' - 26/12/2018 22:15
'Sospeita' / 'Princesa' - 18/12/2018 22:20
Na primeira entrega, que leva por título Sospeita, Pepe, un antigo mozo de Conchi, volve aparecer na súa vida. Evaristo cre que o asunto é serio e ve perigar a súa relación de parella. A continuación, en Princesa, acontece un suceso delicado ao morrer Raíña, unha cadela á que o notario lle tiña moito cariño. Suso ten unha idea para que a esqueza e lle pase a pena.
'O emparellamento' / 'A carioca' - 11/12/2018 22:30
No primeiro episodio, que leva por título O Emparellamento, a prácida vida de Caldelas, unha vila termal da comarca do Ribeiro, vese alterada polos continuos enfrontamentos entre o respectable notario da localidade (Manuel Manquiña) e o patriarca do conflitivo clan dos Mariachi, Tino o taberneiro (Morris). A historia arranca cun acontecemento inesperado que desencadeará un sorprendente xiro na sempiterna disputa entre os dous inimigos.A continuación, en A Carioca, a directora do lounge-bar do Gran Hotel-Balneario de Caldelas, Felisa “a Carioca” (Lucía Veiga), faille unha oferta pola taberna á súa curmá Lola (Patricia Vázquez). A oferta é tan xenerosa que a matriarca dos Mariachi vese sumida nun profundo dilema: aceptar a pequena fortuna que lle asegure a ela e a Tino unha tranquila xubilación ou rexeitar a oferta só por amolar a súa odiada curmá.

Otras series >


Otros programas de TVG (Galicia) >