O caderno de Isabel
Un programa en que a cociñeira Isabel Prada percorrerá as vilas galegas buscando as receitas máis...
País: España
Idioma: Gallego
Contenido: Reportajes
Tema: Cocina
URL: http://www.crtvg.es/tvg/a-carta/programa/o-caderno-de-isabel-1
País: España
Idioma: Gallego
Contenido: Reportajes
Tema: Cocina
URL: http://www.crtvg.es/tvg/a-carta/programa/o-caderno-de-isabel-1
Episodios disponibles para ver online
A raia, os percebes e o filloazo de Caión, na Laracha - 27/11/2018 23:15
Caión é o destino de Isabel, polo que as receitas van estar moi pegadas aos produtos do mar. Esta parroquia da Laracha, a única que sae cara ao mar, ofrece a raia, un peixe moi abundante no seu momento e que se prepara en caldeirada. Tamén bos percebes, grazas ao bater do mar nas rochas. Aquí cociñábanse con cachelos, cocidos na propia auga do mar e, quen o diría, non eran nada apreciados e eran coñecidos como “a comida dos pobres”. Isabel Prada non pasará por alto outras receitas menos pegadas ao mundo do mar e cociñará o fiollazo ou freixó, que formaban o compango cando xa o caldo se quedaba sen fabas e sen patacas. Ese fiollazo consiste nunha comida moi enerxética, xa que leva touciño no medio dunha filloa con moita masa e mesmo azucre. Tanto en Caión coma no resto do concello da Laracha xa non é moi cociñado, cando se fai é para lembrar tempos pasados, en que se comía a diario. Ademais, vemos os característicos que son os hórreos da Laracha a través dun gran coñecedor da zona. Son
Anguías e pementos fritidos no Ribeiro - 20/11/2018 23:15
Isabel visita O Ribeiro, polo que as receitas van estar relacionadas cos produtos que dan a montaña e o río Miño. A calor e a humidade desta terra producen o famoso viño do Ribeiro e as coñecidas anguías que un tempo abarrotaban o Miño.
Como segundo prato, Isabel viaxará a Arnoia para aprender a identificar os seus famosos pementos. As súas veciñas prepáranos de xeito tradicional: fritidos e con sal, pero tamén lle dan unha volta para coñecer máis posibilidades deste produto tan demandado.
Non pasamos por alto unha das vilas con máis entidade propia da comarca: o barrio xudeu de Ribadavia, o único que se conserva ata os nosos días en Galicia. E aquí é onde se vai preparar un prato sefardí. Os espectadores tamén poden ver as sobremesas máis solicitadas polos turistas que viaxan ata Ribadavia: os doces hebreos de Herminia.
Ademais, Isabel papa un bo susto coas anguías, pero o viño elle un bo remedio, xa que nas termas do Prexigueiro teñen tratamentos de viñoterapia. Para rematar,
Carne richada e vincha en Terra de Montes - 13/11/2018 23:10
Terra de Montes é o destino de Isabel, polo que as receitas están moi pegadas á boa carne da que goza a Pontevedra interior. Como cabeceira da comarca, Forcarei ofrece a súa richada, carne que richaban os arrieiros cando ían transportando o viño desde o Ribeiro ata Santiago de Compostela. Ao pasar por Terra de Montes e quedar atrapados pola neve, facían parada e cociñaban a carne para alimentarse.
Pero Isabel non pasa por alto unha das vilas con máis entidade propia, Soutelo de Montes. As súa xente vai cociñar callos acompañados dos cogomelos de Soutelo. A través da receita, vemos como esta vila está moi unida para recuperar tradicións e evitar sufrir o temido despoboamento doutras paraxes rurais do interior de Galicia. Tamén hai sobremesa. Para isto o programa visita outro dos concellos da Terra de Montes, Cerdedo, onde aproveitan na matanza do porco a súa vexiga para conter un dos doces máis saborosos e descoñecidos: a vincha.
A cociñeira Isabel sufre algún contratempo pola ser
Rolo de bonito estilo Burela e congo - 06/11/2018 23:00
Isabel visita Burela, o concello máis pequeno de Galicia, pero non o seu porto. Conta cunha das lonxas máis activas, que recibe pescada durante todo o ano, e é o porto de referencia para o bonito do norte nos meses de temporada.
Isabel cociña o bonito en rolo, nas mans de quen antigamente os capturaba. O mar trouxo a Burela un importante colectivo de caboverdianos e a súa gastronomía non podía faltar nesta entrega do programa, en que se prepara congo. Para todo isto, Isabel cruza Galicia no seu pintoresco coche, ao que vai subindo diferentes veciños desta vila mariñeira. Finalmente, todos eles son convidados a degustar os pratos elaborados durante o programa na gran xuntanza final.
Momentos como cargar un enorme bonito do norte no coche, bailar ao ritmo caboverdiano ou ter unha réplica do famoso torques atopado no Chan do Castro fan deste un formato televisivo gastronómico diferente.
As orolas á muradana e a tortilla romana - 30/10/2018 23:00
Isabel visita o concello de Muros, polo que as receitas van estar moi pegadas aos froitos de mar. Da súa ría van saír os chocos que cociña cun emigrante retornado dos EUA ao xeito muradán, pero os espectadores tamén poden ver de preto un marisco que se deixou de comercializar, pero que hai décadas quitou da fame moitos veciños de Muros: as orolas. A cociñeira do programa mira como se poden cociñar ao natural, pero tamén enceboladas e rebozadas.
Se hai unha sobremesa que caracteriza a Muros é a que se introduciu por parte dun europeo que chegou ao porto desta vila mariñeira en barco e lle mostrou a unha veciña, Petra, un doce con moita historia: a tortilla romana, que esta noite prepara con moito agarimo a bisneta que herdou a receita.
Para amosar todas estas receitas de cociña tradicional, Isabel percorre varios quilómetros no seu pintoresco coche e mesmo chega a pasar a noite no concello próximo de Outes, nunha cabana suspendida dunha árbore. Ao día seguinte, moitos muradáns son
Un xarrete con castañas ao licor café e un roscón na Ribeira Sacra ourensá - 23/10/2018 23:00
'O caderno de Isabel' ten hoxe como destino a Ribeira Sacra ourensá, concretamente, os concellos Parada de Sil e Nogueira de Ramuín. A Ribeira Sacra é montañosa, especialmente na parte ourensá, polo que o gando é o motor económico da comarca de Caldelas. Teñen raza autóctona propia, a caldelá, polo que Isabel non perderá a ocasión de probar o seu sabor. Ademais, cociñará un xarrete con castañas, trocará o viño tinto por un chorro de licor café e visitará o lugar preferido polos galegos para xuntarse, a feira.
Esta é terra de emigrantes, polo que o programa da TVG lembrará o pasado de barquilleiros e afiadores e visitará os fotografados Balcóns de Madrid, onde se despedía os emigrantes. Para isto, Isabel percorrerá varios quilómetros no seu pintoresco coche e recibirá unha visita moi especial: a da súa filla María. Finalmente, todos os veciños serán convidados a degustar os pratos elaborados durante o programa.
Momentos como remar en kayak polo río Sil, relaxarse no mosteiro de San
Cociñando a rincha en Cangas e Bueu - 16/10/2018 23:40
Isabel visita a península do Morrazo, concretamente os concellos de Cangas e Bueu. Rodeados das ricas rías de Vigo e Pontevedra, o peixe e o marisco non pode faltar nos menús dos morracenses. Isabel cociñará rinchas, que igual que nomes, teñen diferentes xeitos de prepararse, verá a importante produción de mexillón e o saboroso peixe á prancha. Para isto, Isabel percorrerá varios quilómetros no seu pintoresco coche, ao que irá subindo a diferentes veciños desta vila olímpica. Finalmente, todos eles serán convidados a degustar os pratos elaborados durante o programa nunha xuntanza final cunha escena bucólica. Momentos coma a viaxe pola ría de Pontevedra subida ao recuperado bote polbeiro ou o paseo polas viñas de variedade Tinta Femia de Cela fan deste programa un formato televisivo gastronómico diferente.
A bola de liscos e as freces de Pastoriza - 09/10/2018 23:00
'O Caderno de Isabel' visita esta semana a terra pola que discorren as primeiras augas do río Miño na provincia de Lugo. Trátase da Terra Chá e, concretamente, dun dos seus concellos máis verdes, Pastoriza. É aquí onde non van faltar pratos de alto valor enerxético coma as freces ou a bola de liscos, que se preparaban para levar ás tarefas do campo.
Os espectadores verán como os faragulllos son unha variante das freces, pero cun sabor e uns ingredientes diferentes. E, ademais, como nesta zona de Galicia as filloas non se toman como sobremesa, senón como acompañante dos cocidos.
Para isto, Isabel percorre varios quilómetros no seu pintoresco coche e, antes de comezar a ruta das receitas, fai unha parada na pista de kárting da Pastoriza, onde imparten cursos de condución segura. Isabel toma nota de certos consellos para cando a estrada está mollada ou hai neve, así que o seu convertible será máis seguro a partir de hoxe.
Finalmente, todos eles serán convidados a degustar os pratos
Costrada e proia de Pontedeume - 02/10/2018 23:00
Nesta ocasión, a cociñeira Isabel Prada achegarase ao pulmón verde de Galicia, ás Fragas do Eume. Na vila eumesa de Pontedeume gárdanse receitas medievais ata estes tempos, pero que cada vez coñecen e elaboran menos veciños. É aquí onde non van faltar os produtos ecolóxicos das fragas, coma os froitos vermellos ou o xamón curado de porco celta.
Galo de curral estilo Viladavil e canas recheas de crema - 25/09/2018 22:50
Na primeira folla de 'O Caderno de Isabel' quedarán anotadas receitas procedentes de Arzúa, Vila de Cruces e Santiso. O programa visita hoxe o corazón de Galicia, o centro xeográfico que discorre aos dous lados do río Ulla e que divide as catro provincias galegas. É aquí onde non van faltar os galos de curral de Vila de Cruces, o queixo D.O. Arzúa Ulloa, o mel producido no centro de Galicia, as troitas de río ou algunha sobremesa que fai acto de presenza todos os domingos nas mesas dos arzuáns.
Otros programas de reportajes >
Otros programas de TVG (Galicia) >
