Close

Con Amor e compañía

Magazine presentado por el actor y showman David Amor.

País: España
Idioma: Gallego
Contenido: Magazine
Tema: Actualidad
URL: http://www.crtvg.es/tvg/a-carta/programa/con-amor-e-compania

Episodios disponibles para ver online

Coa Miss Mundo 2015, a española Mireia Lalaguna - 18/09/2017 00:30
É a primeira vez que a modelo visita Galicia e quixo facelo no programa de David Amor disposta a todo. Hoxe,os espectadores descubrirán a súa faceta máis persoal, pero tamén a profesional para poder saber como é o día a día dunha Miss Mundo.
Con Isabel Blanco - 11/09/2017 23:45
Isabel Blanco é un dos rostros máis coñecidos da Televisión de Galicia. Foi  presentadora dalgúns dos programas de máis éxito da canle autonómica como “A Repanocha” e “O Rei da Comedia”, pero sobre todo é coñecida polo seu papel de María na mítica serie “Mareas Vivas”, entre outras series e películas. Pero, ademais de repasar toda a súa traxectoria, os espectadores galegos descubrirán hoxe algunhas cousiñas de Isabel Blanco, ben porque as contará ela mesma ou ben porque compañeiros de profesión deixarán algunhas lembranzas de cando traballaron con ela.  
Con Lucía Pérez - 08/09/2017 00:30
Lucía Pérez é unha das cantantes galegas máis queridas polo público e espectadores galegos. De sobra é coñecida por todos a súa trepidante carreira artística, pero o que David Amor intentará esta noite é descubrir algúns aspectos máis da súa vida e do seu día a día. Para tal reto, Lucía non dubidará en participar e responder a todo o que lle propoñan, coma as preguntas tipo test que lle fará o presentador. Ademais, a cantante  desvelará que curiosa afección ten cando está na súa casa do Incio e, da man do seu irmán, Javier Vizcaíno, os espectadores coñecerán tamén un “supersegredo” que á  convidada desta semana lle dá moita vergoña contar por aí.
"Os Deteriorados" en Con Amor e compañía - 07/09/2017 23:45
Co presentador Rodrigo Vázquez - 01/09/2017 00:15
Na actualidade Rodrigo presenta o programa concurso “Ti Verás” todas as tardes na TVG facendo preguntas e repartindo cartos. Pero hoxe Rodrigo deixará a súa faceta de presentador para pasar unha noite divertida co equipo de “Con Amor e Compañía” e quen lle fará as preguntas será o público presente no estudio de gravación.  Ademais, o espazo da TVG cumprirá o soño de Rodrigo de viaxar e trasladarse á época do Renacemento.
Co actor Tomás Pozzi - 25/08/2017 00:30
Tomás Pozzi é un actor arxentino que leva 16 anos traballando en España e que actuou por primeira vez en Vigo. A partir de aí arrancou a súa carreira como actor, unha historia da que falará o convidado ao longo da entrevista. Ademais, os espectadores descubrirán que Tomás Pozzi é un dos mellores inventando chamadas telefónicas. 
Con Kiko Novoa da Radio Galega - 10/08/2017 23:45
Hoxe Kiko Novoa, unha das voces máis coñecidas da Radio Galega acode ao programa disposto a pasalo ben. Kiko Novoa leva anos á fronte do magazine informativo da Radio Galega “Galicia por Diante”, sendo ademais un dos programas líderes da emisora autonómica. Pero o locutor da emisora vén hoxe disposto a contarlle á audiencia cousas máis persoais como a etapa en que viviu en Suecia; a rememorar os seus tempos de xornalista deportivo e a participar en moitas sorpresas que o agardarán ao longo da noite.
Con Ledicia Sola - 04/08/2017 00:15
O que hoxe descubrirá “Con Amor e Compañía” de Ledicia Sola serán algúns dos seus segredos como o seu primeiro bico ou a súa afección pola poesía. Alguén moi especial para a actriz tamén contará algún que outro segredo máis. Ademais, Ledicia vén disposta a pasalo ben, polo que non dubidará en participar e colaborar nos retos que lle propoña David Amor.
Con Lucía Rodríguez, Juan Fuentes e Bernardo Montaña - 27/07/2017 00:00
Visita o estudio de  “Con Amor e Compañía” un dos tríos galegos mellor levados: Lucía Rodríguez, Juan Fuentes e Bernardo Montaña, presentadores do programa da TVG “Aquí Galicia”, que contan algunhas anécdotas curiosas e divertidas. Na sección “Sabes que non saben a quen vin onte que pensei que morrera”, coñecemos como lle vai a vida de xubilado a Pelegrín, a famosa mascota galega do Xacobeo 93, que marcou toda unha época. Tamén aparece polo programa Miss Tamallacos, que utiliza os seu poderes extrasensoriais para desvelar segredos dalgunha das persoas que acoden como público cada semana. Ademais, David Amor mantén as conexións habituais con Maximino Deitado.
Con Lito e Fátima Pego - 20/07/2017 00:00
David Amor convida ao seu programa a dous cracks das orquestras galegas: Lito, da Panorama, e Fátima Pego, da orquestra París de Noia. Lito e Fátima responden ás curiosidades do público e desvelan algúns segredos do día a día das orquestras, ademais teñen que enfrontarse a un divertido xogo para demostrar as súas dotes para bailar e interpretar.  Tamén presenciamos a sorpresa que levou Dosinda Barral, a gañadora do concurso do coche, cando David Amor e Miss Tamallancos chamaron á porta da súa casa para comunicarlle que gañou o coche e para entregarllo.  O programa complétase coas seccións habituais como o monólogo de David Amor, as conexións de Maximino “Deitado” e as seccións dos colaboradores.   
Con Moncho Fernández, Alberto Corbacho e Pepe Pozas - 13/07/2017 00:00
Visitan o programa tres estrelas do deporte, o adestrador de baloncesto do Obradoiro CAB Moncho Fernández e dous dos xogadores que máis tempo levan no club, Alberto Corbacho e Pepe Pozas.  O club de baloncesto Obradoiro CAB leva moitas temporadas xogando na máxima categoría nacional do baloncesto. Unha traxectoria complicada ás veces pero cun adestrador e un equipo con moita garra e ilusión de defender a categoría. Tamén pasa polo programa Rodolfo Chikilicuatre para celebrar un aniversario un tanto peculiar, como é os 9 anos, 1 mes e 17 días da súa participación en Eurovisión, aínda que a celebración vai estar un pouco accidentada. Na sección “A que non sabes a quen vin onte que pensei que morrera” está Elvis Presley, que interpreta un dos seus mellores temas traducido ao galego. Ademais, regálase o coche “AMORelo” da primeira temporada do programa que presenta David Amor. 
Con Marcos Pereiro - 07/07/2017 00:15
Hoxe visita o programa o actor Marcos Pereiro. De todos é de sobra coñecida a traxectoria artística deste actor galego. Pero o que descubrirán os espectadores esta noite son algunhas das facetas máis persoais, como a súa paixón pola fotografía, entre outras. Ademais, da man da bolseira Branca, o actor comprobará que é o que opina a xente da rúa sobre el.  Doutro lado, Miss Tamallancos volve visitar o estudio co seu consultorio e a súa videncia extrasensorial coas patacas.
Con Luís Zahera - 26/06/2017 23:45
Luís Zahera vén disposto non só a falar de toda a súa traxectoria, dos seus novos proxectos, dos seu inicios senón que tamén está disposto a descubrirlles aos espectadores da Televisión de Galicia aspectos da súa vida máis persoal. Luís Zahera, ademais de contar cousiñas da súa vida, será sorprendido pola nosa bolseira Branca, desprazada ata un recunchiño moi especial para o convidado, e Sandra, peiteadora do programa, que lle proporá a David e Luis un xogo no que suarán a camiseta. 
Xeración Xabarín - 19/06/2017 23:45
David Amor e todo o seu equipo dedícanlle o espazo a toda unha xeración que creceu cun dos programas de maior referencia e impacto na Televisión de Galicia, o “Xabarín Club”, que abriu as súas portas a toda unha cultura musical, cinéfila e do cómic da época ata hoxe en día.    O espazo infantil, que fai 23 anos, ten unha xeración de seguidores que creceu con el. O club sigue sendo un referente nos rapaces galegos e na actualiade conta con case 150.000 socios
Con Pepe Solla - 12/06/2017 23:30
“Con Amor e Compañía” recibe un dos reis dos fogóns galegos, o cociñeiro Pepe Solla, propietario dun restaurante que posúe a Estrela Michelín máis antiga de Galicia. Pepe Solla é un dos cociñeiros con máis traxectoria na cociña galega. No programa, conta como se iniciou no negocio familiar, como evolucionou e cal é o prato que despois de 37 anos continúa na súa carta, entre outras cousas.  Ao chef agardaránlle moitas sorpresas, como a visita da famosa “Estrela Michelín”. Levan 37 anos xuntos, pero o que non sabe el é como se sente realmente esta particular estrela no seu restaurante. Ademais, o programa descobre algún segrediño de Pepe e comproba que padal ten o cociñeiro someténdoo a unha proba con alumnas da Escola de Hostalería Lamas de Abade. Pero antes de recibir o convidado e de falar de gastronomía, David Amor fai o seu monólogo sobre a “Operación Biquini”: fala de dietas, de consellos para perder peso
Con Iván Raña - 05/06/2017 23:30
O convidado esta noite de David Amor é o campión mundial de tríatlon Iván Raña. Por todos é coñecida a traxectoria deste deportista galego de elite, pero, coma sempre, o cometido de David Amor e os seus colaboradores é achegarlle ao público outras facetas dos convidados. Nesta ocasión, o triatleta conta algunhas das anécdotas e aventuras que pasou nas moitas competicións internacionais en que participou. Ademais, “Con Amor e Compañía” revisa o pasaporte de Iván Raña, fai que compita nunha proba con David Amor, igual de dura e arriscada que o tríatlon e descóbrenos o verdadeiro motivo polo que visita esta noite o programa.  Continuando coa serie de éxitos da canción, como o particular hit “O Amorelo”, “Con Amor e Compañía” convértese na plataforma de lanzamento de todo un descubrimento artístico: Nianke He, unha rapaza chinesa que leva poucos meses en Galicia e canta en vivo, en galego e en chinés, o tema “Lela”. Ademais “O Cuñao” volve demostrar que é certo o dito de “Como o noso,
Con Dani Moreiras e Iván Capón (Páramo Pictures) - 29/05/2017 23:30
David Amor recibe a Dani Moreiras e Iván Capón, compoñentes do grupo Páramo Pictures, responsables de temas virais como “A Bertolina” ou “O Fertimón”. No programa, temos a oportunidade de coñecer un pouco máis das facetas persoal e profesional dos dous artistas. Ademais, estrean a canción “O Amorelo”, dedicada ao coche que David Amor sortea entre todo o público asistente. Doutro lado, volve visitar 'Con amor e compañía' Miss Tamallancos, que elixe o ilusionista Pedro Volta para que lle faga unha das súas 'patacas exprés', non sen antes de que o mago realice un pequeno truco de maxia. Coma sempre o programa complétase coas seccións habituais, como o monólogo de David Amor, as conexións de Maximino 'Deitado' e as seccións dos colaboradores.  
Con Os dous de sempre e o Rei Zentolo - 22/05/2017 23:30
Visitan o estudio de “Con Amor e Compañía” dous dos reis do humor galego Marcos Pereiro e Xosé A. Touriñán ou o que ben sendo o mesmo “Os Dous de Sempre”, o nome artístico co que inician unha nova xira xuntos. Quince anos levan en escena estes dous humoristas, e para celebralo decidiron facer o espectáculo “Agora en serio”, unha proposta con moito humor que representarán durante varias semanas en varias vilas e cidades galegas e no que ofrecerán todo un percorrido polas personaxes máis divertidas e recoñecidas polo público galego ao longo destes 15 anos de traxectoria xuntos.  Pereiro e Touriñán avánzannos, ademais, como serán “Os Dous de Sempre” no ano 2052. E continuando cos aniversarios, os que tamén están de celebración son os membros do Rei Zentolo. A firma de camisetas cen por cento galegas levan 15 anos facendo estas pequenas obras de arte “en galego” e para todos os petos. Da man dos seus creadores Salva e Pablo coñecemos anécdotas que lles aconteceron ao longo deste periplo em
Con Pedro Volta e Manuel e Antón Cruces - 15/05/2017 23:30
O ilusionista galego Pedro Volta é o convidado de 'Con amor e compañía'. Ademais de contar curiosidades do seu traballo, o mago deixa que o presentador, David Amor, vexa desde dentro os seus números de ilusionismo e faga desaparecer a un dos colaboradores. Quen será? Maximino 'Deitado', Ana Lista, María Pita, a perruqueira Sandra, a bolseira Branca, 'O Cuñao' ou Miss Tamallancos? Un deles corre certo perigo ao longo do programa. Na sección de 'O Cuñao' e co seu lema de “Como o de aquí non hai” hai uns portagonistas moi especiais, Manuel Cruces, o triatleta máis veterano de España en activo e pioneiro desta especialidade en Galicia, e o seu fillo, Antón Cruces, que presenta o documental que está realizando, “Oldman: O último triatleta”, todo un documento gráfico que Antón quere que quede para os seus fillos, que tamén estarán no estudio, e sexa unha testemuña e referencia do esforzo e tenacidade de seu avó.  
Con Luís Davila - 08/05/2017 23:30
“Con Amor e Compañía” recibe a visita de Luís Davila, un gran retratista da actualidade en forma de viñeta. Coñecido como “O bicheiro”, leva dende o ano 98 amosando con humor o auténtico ADN galego a través da súa faceta de debuxante e humorista gráfico. No programa, os seus personaxes Dora e Agripina cobran vida e Luís Davila ten a oportunidade de facer unha viñeta ao vivo.  "O cuñao" está acompañado de Jessica Rey, unha rapaza que traballa na Casa Grande de Xanceda que, coincidindo co Día do Burro, celebra o importante que é este animal na súa granxa. Ademais, a histórica María Pita volve convidar o público do estudio a que participe no xogo O Burro Rabudo. Maximino Deitado continúa conectando co programa de cando en vez para opinar sobre o programa.
Con Miguel Borines e Andrés Giráldez - 01/05/2017 23:30
David Amor explora unha nova faceta artística, a de titiriteiro, da man dos actores Miguel Borines e Andrés Giráldez. Coñecidos  polos espectadores da Televisión de Galicia polos seus personaxes de Moncho e Peixe en “Serramoura”, os convidados son tamén membros da compañía Tanxarina Títeres, a formación de teatro de monicreques máis veterana de Galicia, con máis de tres décadas de traxectoria, así que ninguén mellor ca eles para iniciar ao showman na manipulación das marionetas. Un dos colaboradores habituais do programa, Maximino Deitado, aproveita a ocasión para presentar a súa réplica de monicreque. Ademais, pasan polo estudio outros personaxes xa coñecidos pola audiencia como Miss Tamallancos 72 quen, desta volta, busca a complicidade do público para facer o seu papel de coach sentimental, ou a heroína histórica María Pita, que propon un divertido xogo ás persoas que seguen en directo o programa.   
Con Ezequiel Mosquera - 24/04/2017 23:30
O ciclista galego Ezequiel Mosquera é o convidado de David Amor, con quen fala da súa carreira e dunha nova edición do Gran Fondo do Ézaro, unha proba para ciclistas non profesionais onde o deporte e a natureza se mesturan. A colaboradora Ana Lista encárgase de presentar unha clasificación - totalmente investigada e fundada - sobre a práctica deportiva do ciclismo.O cuñao trae dúas bicicletas para que David Amor e Ezequiel Mosquera demostren as súas calidades deportivas e competitivas. Quen está máis en forma? Quen gañará?  Tamén coñecemos a Sandra, unha das peiteadoras do programa, moi posta no mundo das tendencias, que ofrece interesantes titorías e pon a proba ao público presente no estudio. 
Con Xosé A. Touriñán - 17/04/2017 23:30
David Amor recibe a Xosé A. Touriñán, colaborador do programa “Land Rober Tunai Show” da TVG, que se somete a unha entrevista emocional que revela o seu lado máis íntimo. “O Cuñao”, o familiar que ten o presentador, fala do Camiño dos Faros, unha ruta desde Malpica ata Fisterra. Ademais, non faltan as conexións de Maximino “O Deitado”, o veciño que vive ao lado do estudio e que cada pouco conecta co sinal do programa para contar que opina do show.   
Con Beatriz Serén e Carmen Méndez - 10/04/2017 23:30
David Amor recibe no seu programa a Beatriz Serén e a Carmen Méndez, dúas das actrices protagonistas da serie “Pazo de Familia”. Durante a conversa, descubrimos non só a faceta máis artística destas dúas intérpretes lucenses senón tamén o seu lado persoal. No estudio, reviven a noite dos Mestre Mateo, en que as dúas foron candidatas; contan algún “Supersegredo” das súas vidas e, como boas actrices, atrévense a facer para todos a versión musical de “Pazo de Familia”. “Con Amor e Compañía” conta, ademais, coa presenza de Celia Vázquez ,“Miss Tamallancos 72”, quen chega ao programa para ser a coach sentimental e sexual do público e dos espectadores galegos. David Amor continúa recibindo as conexións de Maximino “O Deitado”, ese veciño estraño que vive ao lado do estudio e que cada pouco conecta co sinal do programa para contar como está vendo el o show. 
Con Mikaela Lupu e David Seijo - 03/04/2017 23:30
O actor e showman David Amor estrea “Con Amor e Compañía”, un programa variado con entrevistas, monólogos, actuacións musicais e contidos que farán rir os espectadores. Este novo espazo tamén conta coa colaboración de Isi, Iria Pinheiro, Alicia Burton e Pepo Suevos. Este último sorprenderá cada semana coa interpretación de Maximino “O deitado”, un dos poucos seres do planeta que ten un audiómetro e que descobre que no seu mando ten un botón que lle permite acceder directamente ás imaxes do que ocorre no estudio. O público tamén é unha parte importante do formato, xa que vivirá unha experiencia moi participativa con sorpresas, momentos de humor e a posibilidade de gañar un coche ao final da tempada.Nesta primeira entrega, o programa recibe a visita da actriz portuguesa, Mikaela Lupu, e o actor galego, David Seijo,  que interpretan a Carlota e Pedro, protagonistas da recentemente estreada serie da Televisión de Galicia “Vidago Palace”. Son os primeiros invitados e non dubidarán en entreg

>


Otros programas de TVG (Galicia) >