Galicia bótase estes días ás rúas para participar da diversión e da transgresión do Entroido, e os reporteiros de “Vivir aquí” viven en primeira persoa este ambiente festivo en diferentes localidades. O triángulo máxico do Entroido ourensán, formado por Xinzo de Limia, Laza e Verín, é un dos destinos do programa, que tamén fai parada nos desfiles do Xenerais do Ulla que se celebran nesta comarca coruñesa. As manifestacións máis urbanas do Entroido tamén están presentes neste “Vivir aquí”.
Podemos ver como se preparan dúas comparsas de Pontevedra e o Grove para os desfiles dos días grandes do Carnaval e como mans expertas elaboran os doces típicos destas datas, como as orellas ou as filloas.
