Chega o día grande dos apaixonados polo mar, a celebración dunha das datas máis secundadas na costa galega, a festa do Carme. Unha cita que, ano tras ano, se festexa dunha forma moi especial en cada vila mariñeira, onde os veciños manteñen tradicións que lembran a dureza do traballo no mar. Para achegarse a esta festa do mar e aos seus preparativos, “Vivir Aquí” viaxa desde a Mariña de Lugo ata o sur da provincia de Pontevedra para amosar a celebración do día do Carme nas vilas de Laxe, Burela, Foz, Marín e Baiona.
