Paraxes naturais, reservas da biosfera e vilas e aldeas de postal. Son algunhas das propostas que ofrecen as illas galegas. Pese a ser as grandes descoñecidas do territorio do país, Galicia conta con máis de 300 arquipélagos e illotes. Estaremos en algunhas delas: A Illa de Arousa, a de Ons, As Sisargas, Cortegada e Sálvora. Explorar a contorna, coñecer os seus paisaxes, gozar do clima ou da súa flora e fauna autóctonas son algúns dos motivos para visitar estes enclaves. A Illa de Arousa acolle uns 5.000 habitantes en sete quilómetros cadrados e destaca polas súas paisaxes e praias. Os seus máis de 36 quilómetros de costa valéronlle a declaración de Reserva Natural e conta con destacados enclaves coma o Faro de Punta Cabalo, o Illote de Areoso ou o Parque natural de Carreirón.
Visitaremos tres dos arquipélagos do Parque Nacional das Illas Atlánticas: Ons, Cortegada e Sálvora. A primeira destaca pola súa importante colonia de aves, así como por ter un dos fondos mariños máis ricos en
