Os espectadores de “Vivan as Tardes!” vanse divertir cun par de lerchas. Non é un insulto porque As Lerchas é o nome artístico de Sally e Mary, dúas mulleres estradenses que fan do humor bandeira e espectáculo. Fina, Nela, e Lidia, as seguintes protagonistas da tarde, foron rompedoras no seu tempo. Xogadoras de hóckey da Coruña, nos anos 60 mesmo chegaron a ser campioas nacionais. No programa contan mil anécdotas do mítico equipo Santa Lucía.
Un milleiro non, pero algunhas posturas axeitadas si que vai ensinar José Ángel, adestrador persoal e profesor de Pilates, que vén desde Lugo. Para rematar, chegan desde A Coruña Susel e Jorge, que eran tan amigos que nin eles mesmos aceptaban que ademais se atraían.
