O pazo de Tamallancos está na localidade ourensá de Vilamarín. Alí, Alberto Conde Taboada explica que esta construción pertence á súa familia desde hai 150 anos e que foi comprado por un tataravó seu a un convento de Santiago.
No pazo de Chorexe, en Palas de Rei, Conchita Teijeiro amosa un edificio construído a principios do século XVIII, que conserva interesantes pezas no seu mobiliario.
O pazo da Buzaca, en Moraña, é propiedade de Enrique Varela, quen reflexiona sobre o papel que debe xogar a Administración en relación á conservación destes singulares edificios. Visita ao pazo de Raxoi en compaña do presidente do Consello da Cultura Galega, Ramón Villares, e do xefe de Servizos Internos do Concello de Santiago, Xosé Manuel Ferro.
