Celébrase o campionato de tute, o acontecemento máis esperado do ano en Miranda. Todos forman parellas, eses días as cartas son as protagonistas na vila. Alfonso e Amador, que ostentan o título de mellores "tuteiros", vense ameazados pola nova e sorprendente parella revelación, formada por Brais e Froilán. Pero os pícaros non parecen moi interesados no xogo, nin no premio...
Carmela e Antón son eliminados do campionato. A casa está baleira, así que aproveitan para dar renda solta ós seus xogos amorosos. Fuco segue fora de Miranda, todos están preocupados polo mozo.
