Despois de pechar con éxito o caso dos Osorio, o cuartel de Serramoura prepárase para un novo procedemento: o xuízo contra Teresa Soutelo. Mentres tanto, Evaristo intenta por todos os medios asegurar a seguridade de Benito, a única testemuña que pode incriminar a Teresa no asasinato da súa criada. Allea a todos estes movementos, Teresa segue internada no hospital, pero a súa situación non tardará en cambiar ao coñecer a César, o perigoso psicópata.
