Co sarxento Bazán convertido en fuxitivo, o posto de mando de 'Serramoura' intenta esta noite recuperar a normalidade, pero Comandancia avisa a Tomás de que vai trasladar un novo garda á vila: Roi Quiroga. A idea da chegada dun novo compañeiro non lle fará moita ilusión a Marga, que seguirá de preto os seus movementos buscando a ocasión para deixalo en evidencia. Pero Roi é un garda suficientemente preparado e axiña gañará o afecto do cuartel, aínda que o segredo que agocha pode botar todo a perder. O primeiro caso en que Marga e Roi teñen que traballar xuntos non tarda en chegar.