Uxía ameaza a Moncho con entregarlle a Leonor a cinta de vídeo do seu encontro amoroso. Moncho busca a axuda de Gonzalo, quen trata de solucionalo ao seu xeito. Leonor rexeita os agarimos dun Moncho decidido a formalizar a súa relación, e Gonzalo obriga a Da Silva a atentar contra a vida de Manuel.
Felisa toma a determinación de separarse de Manuel, e Beatriz recoñece ante Gloria os malos tratos do seu home. Gloria recoméndalle que o denuncie. Beatriz faino e atopa protección na casa de Gloria.
