Nunha nova entrega do programa “Que Casas!” da Televisión de Galicia, os espectadores verán unha vivenda que ben podería pasar por unha residencia de luxo para cadelas. Ademais, os reporteiros visitarán a casa dunha señora que desexaría que o seu fogar acabara reconvertido en museo. Outra das anfitrioas do programa amosará como rehabilitou unha vella casa mariñeira que pertencía á súa familia e o último protagonista desta noite será un construtor que fixo para si mesmo a casa dos seus soños.
