Despedimos o 2020 no pazo da Toxeiriña da man da súa dona Malala Domínguez, nunha vila de inspiración enolóxica que nos amosa Jose luis Vilanova, nun fermoso piso decorado estilo anos 50 no centro da cidade de Vigo coa simpatiquísima Silvia Superstar ou nunha casa da familia Carpente que son famosos na vila por iluminar a súa casa de nadal. Xa vedes que as opcións son moitas, e hoxe imos brindárvolas todas. Así poderedes coller ideas para crear as atmosferas axeitadas para aproveitar eses momentos bos deste ano no que o Nadal está a ser máis Nadal ca nunca.
