Close

11 - 01/10/2017 11:30

Canal: TVG (Galicia)
Programa: Peregrino
Título: 11 - 01/10/2017 11:30
Descripcion: O reporteiro Xiraldo descóbrenos unha xoia do século XIX que paga a pena contemplar. Ademais, acompaña a Marta, que vén de Pamplona para facer o Camiño de Santiago; a Ángel, de León, que leva dez anos facendo distintos tramos, e Alberto, de Madrid.
Fecha publicación: 01-10-2017

URL:
http://www.crtvg.es/tvg/a-carta/peregrino-11

Otros vídeos de Peregrino en TVG (Galicia)

13 - 15/10/2017 11:30
O programa despide a súa primeira temporada na Televisión de Galicia realizando unha nova ruta polo Camiño de Santiago e coñecendo novos transeúntes. Cada semana, o espazo tratou de amosar as motivacións e as experiencias dos variados peregrinos que cada día realizan este trazado. Para moitos, máis que unha ruta é un traxecto cara ao encontro da espiritualidade; unha forma de atoparse a un mesmo ou de atopar respostas a certas cuestións que nos presenta a vida, unha aventura inesquecíbel que marca un antes e un despois na vida de quen o percorre.O programa amosou, non só os pobos, xentes e lugares pintorescos que os camiñantes percorren ata chegar a Santiago, senón tamén a beleza, as preocupacións, a historia e os intereses das persoas que o percorren. Nesta edición, “Peregrino” realiza o itinerario con alumnos dun colexio de Alacante, que elixiron o Camiño como viaxe de fin de curso. Sen dúbida non o esquecerán, ao igual que Juan Carlos, que camiñou só tendo arredor dun 10% de visión,
12 - 08/10/2017 11:30
Coñecemos a Keef, que con todo o que leva camiñado podería ter ata máis de vinte compostelas, e iso que para conseguir este certificado é necesario facer, como mínimo, cen quilómetros.  Tamén seguimos os pasos de Celia, una muller coa que o equipo do programa aprende de primeira man os valores do Camiño, xa que cando a súa compañeira de viaxe se lesionou e marchou para a casa, coñeceu a tres vascas coas que continuou a súa peregrinaxe.  
10 - 24/09/2017 11:30
Alfredo, un coruñés asentado en Londres, tiña tan claro que necesitaba facer o Camiño de Santiago e convenceu algúns dos seus compañeiros de traballo para que fosen con el. O programa “Peregrino” da Televisión de Galicia acompañará este grupo na súa viaxe.  Ademais, os reporteiros camiñarán ata o Obradoiro xunto a Ola, un vello ex-militar sueco afeccionado ao ioga e á meditación.  
9 - 17/09/2017 11:30
Os espectadores do programa “Peregrino” coñecerán este domingo a historia de Gordon, que chegou hai uns anos desde Sudáfrica para asentarse en Casa Banderas despois de quedar namorado do Camiño de Santiago. Atopou unha casiña e montou un albergue para todo aquel peregrino que necesite facer unha pausa no camiño. Ademais, o espazo da Televisión de Galicia camiñará hoxe xunto a Eva e Araceli, dúas gaditanas con moito que contar.
8 - 10/09/2017 12:00
O programa “Peregrino” da Televisión de Galicia contará este domingo coapresenza dun coreano “robotizado” que recolle cada pedalada feita coa súa bicicleta cunhacámara 360º, xa quere plasmar a beleza das paisaxes do Camiño de Santiago etransmitirlles isto ós seus avós. Ademais, o programa contará cunha sorpresa á súachegada a Santiago da man da peregrina Margherita.
7 - 03/09/2017 12:00
6 - 27/08/2017 12:00
Coñecemos a Marcelino e a asociación Cocemfe Albacete, que percorren o Camiño en cadeira de rodas adaptada; unha parella de San Petersburgo cun amor especial polo Camiño e dúas rapazas do outro lado do charco que tentan vivir a vida en toda a súa plenitude.
5 - 20/08/2017 20:30
Unha parella de canarias que fará o imposible por integrarse na cultura galega. Pero no camiño non só hai peregrinos, senón tamén xente que vive del, e ese é o caso de Olga, unha muller que por casualidade comezou a aloxar xente na súa casa e hoxe en día fai un oficio diso. 
4 - 13/08/2017 20:30
O programa acompaña a Yuriko, unha moza xaponesa, que, cansada do seu traballo de oficinista nun hospital, decidiu emprender o Camiño, do que soubo grazas a unha revista. Tamén segue os pasos de Verónica, unha enfermeira de Madrid que é peregrina a Santiago por cuarta vez. No seu percorrido, as cámaras encóntrase, ademais, coa presentadora e monologuista Sara Escudero, que fai o Camiño acompañada do seu can.
3 - 06/08/2017 20:30
Nesta entrega de “Peregrino”, coñecemos a historia de xente que decide repetir a aventura de facer o Camiño de Santiago. É o caso de Lynn, unha muller que fixo o seu primeiro Camiño no ano 74 e que hoxe o fai cos seus alumnos. O reporteiro Xiraldo acompaña un rapaz que está no camiño para desconectar de todo e unha rapaza que o fai para conectar coa súa fe. Ademais, o programa explica como xurdiu a idea das frechas amarelas que guían os peregrinos ata Compostela.  
2 - 30/07/2017 19:40
O Camiño de Santiago é para moitos máis que unha ruta cara ao encontro da espiritualidade e, no segundo capítulo de “Peregrino” o reporteiro Xiraldo camiña ata Fisterra xunto con Josh, un rapaz de Colorado que leva as cinzas do seu pai con el. Na andaina, coñecemos unha parella de catalás que levan Bollywood moi dentro. As cámaras do programa chegan ata o mosteiro da Magdalena en Sarria e á catedral de Santiago.
1 - 23/07/2017 20:30
O programa acompaña a persoas anónimas que percorren o Camiño e dá a coñecer as súas vivencias e os puntos e historias representativas de cada etapa.O Camiño de Santiago é para moitos máis que unha ruta cara ao encontro da espiritualidade. É unha forma de atoparse a un mesmo ou de atopar respostas a certas cuestións que nos presenta a vida. Trátase dunha aventura e experiencia inesquecible que marca un antes e un despois na vida de quen o percorre.“Peregrino” amosa non só a beleza dos camiños, vilas, xentes e lugares pintorescos que os camiñantes percorren ata chegar a Santiago, senón tamén a beleza das persoas que o percorren, os seus intereses e motivacións, as súas preocupacións e as súas historias. No primeiro programa, o reporteiro Xiraldo coñece tres mozos cuxas vidas se cruzaron no camiño e que unha fortísima amizade fai que continúe alén de Santiago. Ademais, atópase no Cebreiro cun ex-enxeñeiro da Boeing asentado en California e amosa onde se agocha o Santo Graal, ou un deles