Na segunda semifinal de “Pequenos Fenómenos”, Xosé Manuel Piñeiro dálles a benvida a outros oito concursantes, que cantan dous temas cada un, baixo a ollada crítica de Davide Salvado, Susana Seivane e o cantante Blas Cantó. O ex-integrante de Auryn aproveita a súa visita ao programa para presentar temas do seu primeiro disco en solitario. Nesta segunda entrega clasifícanse catro concursantes, que se enfrontarán aos outros catro que a semana pasada obtiveron o billete para a gran final do día de Reis. O gañador ou a gañadora obterá un premio de 2.000 euros e o segundo e terceiro clasificado, de 1.000 e 500 euros respectivamente, que irán destinados á organización sen ánimo de lucro que eles escollan.