“Pequenos Fenómenos" é un concurso musical infantil, presentado por Xosé Manuel Piñeiro, coa colaboración de Lucía Regueiro e Víctor Bascoy, e no que compiten 16 rapaces e rapazas procedentes de toda Galicia.
O concurso desenvólvese en tres sábados consecutivos e o día de Reis celébrase a gran final. O xurado está composto polos músicos Davide Salvado e Susana Seivane e pola cantante Merche, como artista convidada. O gañador ou gañadora obterá un premio de 2.000 euros e o segundo e terceiro clasificado, de 1.000 e 500 euros, respectivamente, que irán destinados á organización sen ánimo de lucro que eles escollan.
Neste primeiro especial, participan 8 concursantes, do que 4 quedan clasificados para a gran fase final.
