"Alcalde, fascista, o porco é ecoloxista!" será o título da emisión desta semana, en a que a parroquia de Santo Antonio de Louredo sufrirá unha curiosa invasión. A historia comezará cando un grupo de ecoloxistas, alertado pola mensaxe televisiva de Miñato, acode en masa ao rescate de Cochinín, o porco vietnamita. Mentres tanto, Miñato, o que era o chapuzas oficial da vila, tivo que deixar temporalmente os seus labores habituais para facerse cargo do "merchandising" da súa mascota porcina.Pero quen sairá peor parado desta historia será Delmiro, que verá como a súa popularidade cae nos medios de comunicación. E por se fose pouco, o alcalde terá que aturar o que nunca imaxinou: un grupo de "hippies", como el lles chama, que se atreverán a chamarlle fascista. Poucas cousas poderían facer tanto dano ao alcalde como ese insulto. Por se isto fose pouco, aquí non acaba a historia, porque os ecoloxistas tomaron a súa vila pero a Igrexa tomará a súa casa...
