Farto de que o “Delmiro Responde” sexa usado por calquera veciño para facer todo tipo de comunicados, Delmiro decide tomar medidas drásticas. O primeiro en sufrilas será o último en utilizar a particular xanela ao mundo do alcalde de Louredo: Miñato. E para iso, fará que caia sobre el todo o peso da lei. O encargado?, o municipal de Louredo: Urbano. O conflito está servido.
O último negocio de Miñato está a ser un éxito: un 2x1 audiovisual cos momentos máis vergoñosos da vida de don Rodrigo e don Crisanto. Os párrocos quítanlle importancia ao boom do 2x1, convencidos de que os veciños se acabarán cansando do vídeo. Pero o interese polo escándalo parece alterar a orde natural de Santo Antonio de Louredo. E é que Lidia, católica confesa, decidiu sumar o seu negocio ao de Miñato, mentres que, contra todo prognóstico, Delmiro ponse ao lado dos curas. Novas e estrañas alianzas que marcarán os acontecementos no noso peculiar pobo.
E entre tanto balbordo, un vello coñecido volve a Louredo. Un
