Chega a nova realidade e chega con mensaxe especial, datos para as traballadoras e traballadores das empresas de mensaxería e de paquetería. Eles foron os primeiros en petar porta por porta, en chegar aos nosos domicilios para nos garantiren a subministración de produtos básicos esenciais. Primeiro, de primeira necesidade, como os alimentarios ou os sanitarios, e logo outro tipo de produtos. Durante todos estes meses de crise sanitaria as empresas do sector, as grandes, as medianas e as pequenas, viron aumentar o seu volume de venda, o seu trafego, o seu traballo, pero tamén a capacidade de xeraren emprego, especialmente polo comercio electrónico, algo que, din, vén para quedar, pero que tamén debe cambiar.
