As rochas de toda a costa galega ferve de vida, e dicindo isto podemos referirnos aos percebes, porque eles son parte importante desta vida, pero realmente referímonos aos homes e mulleres que traballan nas rochas para apañalos.
E interésannos especialmente as mulleres percebeiras, porque elas están nas rochas a gañarse a vida e tamén un espazo central na cultura mariñeira. Hoxe nas rochas está Miriam Paz, percebeira de Aguiño. Miriam empeza a xornada percebeira cando aínda o sol está espertando.
Ten que pasar polo control dos vixiantes da Confraría, e ten que percorrer o camiño dos percebeiros que leva séculos camiñándose por todos os percebeiros e percebeiras que a precederon. Agora ela forma parte desa saga percebeira. Hoxe hai traballo nas rochas e este traballo tamén consiste no esforzo de Miriam por construír a súa propia historia como percebeira.
