Esta semana destinaremos as dúas reportaxes principais do programa á ascensión feminina ao pico máis alto da cordilleira do Atlas, no norte de África. Empezaremos na cidade de Marrakech para posteriormente culminar coa ascensión ao Toubkal, que con 4.167 metros de altitude tamén é o punto máis alto de Marrocos. Veremos como este grupo de mozas e mulleres se amañan para conseguir desprazarse ata o refuxio e como realizan a ascensión doutros cumes de 4.000 metros da zona. Despois iremos a Alemaña para ver a Audi Nines MTB, con toda unha serie de liñas e trucos, algúns inéditos, para finalizar en Francia tamén con imaxes de bicicleta, pero neste caso de descenso.