Na súa segunda entrega, “Meus” retrata a dúas familias que sorprenden pola súa forza e capacidade para sacar adiante o seu proxecto. Iván Vázquez e Carmen Riveiro son os dous protagonistas e falan das súas experiencias vitais.
Iván é un mozo moi novo que vive en Santiago de Compostela cos seus pais. A súa é a historia de alguén que sabe que se poden romper moitas barreiras cunha boa actitude e que a única cousa que non se pode conseguir é a que non se intenta. El e seu pais son xordos, o que non lles supón ningún problema. Amosa neste programa o día a día dun rapaz do seu tempo, o parque por onde corre, o centro comercial onde merca e as curtametraxes que dirixe escollendo de actores os seus pais.
A outra protagonista, Carmen Riveiro, é unha muller casada que vive en Carreira, no concello de Zas, e que traballa no castelo de Vimianzo. Carmen decidiu recuperar a tradición do liño, completamente perdida nas terras de Soneira, e aprendeu a tecer, a cultivar a planta e a fiar o liño. Is
