Os tempos andan revoltos na vila da Sardiñeira, onde nada é o que parece e xorden novas influencias; aínda que Carmelo é o primeiro en ser consciente destes cambios que se producen arredor, o certo é que segue sen saber adaptarse á nova situación, xa que se resiste a seguir as ordes de Aníbal, que impón a súa lei a custa de turbios negocios, cada vez máis arriscados, como o encargo de roubar explosivos destinados a perpetrar accións terroristas. Con este panorama, a idea de fuxir da Sardiñeira transfórmase na mellor opción para o xefe dos Matalobos, que leva un tempo preparando a documentación para cando chegue o momento de abandonar o país coa familia. Pero os plans de futuro de Carmelo para escapar e deixar a Zico como novo xefe non resultan ser tan confidenciais como cre. Doutro lado, outros que pensan na fuxida son Xulia e Pincho coa súa historia de amor, mentres que Vanesa aínda non sabe como asimilar que, sen Veloso, xa non ten poder ningún.
