Erundina é a matriarca dun restaurante de renome en Piñor, na provincia de Ourense, e para agasallar os Larpeiros traerá un biscoito. Esta mestra dos fogóns vai sorprender a Benigno cunha receita que xa facía súa nai, un rolo de carne ao forno cun recheo moi especial, e como gornición patacas, chícharos e champiñóns. Merchi e Leni teñen preparados uns cestiños de chocolate con tellas de améndoa e para acompañar, uns amorodos e un pouco de xeado.
