Benigno cociñará un guiso colorado de tenreira, ou o que é o mesmo, un gulash húngaro. Ademais da carne, pemento, allo e pemento moído son parte dos ingredientes deste prato que se considera un dos máis antigos do mundo. Pola súa parte, Adrián viaxará desta volta ata Celanova, para coñecer, da man de Roberto, como se crían as vacas e tenreiros cos que producen as afamadas “galeguesas”, unhas hamburguesas cen por cento galegas, elaboradas sen conservantes nin colorantes, que están a revolucionar o mundo gourmet. Mentres, na casa, Merche e Leni preparan o prato doce do menú, unhas deliciosas magdalenas de mazá con merengue de canela coas que agasallarán ao resto dos larpeiros.
