Aproveitando a XXVIII Festa da Anguía, Benigno e Adrián visitan Valga. Nesta ocasión, cociñan, baixo a atenta mirada de amigos e veciños, anguía guisada e anguía fritida.Adrián non perde ocasión de probar este produto de cantos xeitos poida na súa visita á casa de Nieves e ao Bar o Potel. Ademais, no Parque Hermanos Dios Mosquera hai tempo para cantar e bailar coa Coral Santa Comba de Cordeiro e co grupo de gaitas Airiños de Valga. Da sobremesa encárgase Pili, unha “Larpeira Diplomada” que sorprende cunhas rosquillas de caña de Valga que lle pon o punto doce a este menú de festa.
