Atraídos pola 34 edición da Feira do Bonito chegan Benigno e Adrián ata a vila de Burela. As bondades deste produto inspiran o mestre do programa que prepara un marmitako ao revés e ventrecha de bonito á prancha. Na praza da Mariña de Burela, o público comparte co equipo do programa a súa particular homenaxe ao bonito. Adrián visita a casa de Chris, un cociñeiro que bate marcas, e os Larpeiros Diplomados Moraima e Kiko sorprenden coas súas propostas doces, como é a Torta Lambona ou Larpeira.