Os veciños acudirán á chamada para conversar, bailar e gozar das cousas ricas que lles prepararán os “Larpeiros Festeiros”: un pastel de bacallau ao xeito de Benigno e uns petiscos de pan de Carral ao xeito de Adrián. Tamén poderán coñecer as historias de Adrián, que esta semana visitou a casa de Áurea, unha cociñeira con sona en todo o concello que triunfa en cada concurso ao que sepresenta. Na vila de Carral tamén hai “Larpeiros Diplomados” que sorprenderán coas súas propostas doces. Isabel apostará por unha receita tradicional da repostería galega: a bica.
