"Larpeiros" terá esta semana como convidado especial o cociñeiro Nicolás Villar, un profesional novo pero que xa destaca no panorama gastronómico galego. Nicolás, que leva a cociña dun restaurante situado dentro do museo "Marco" de Vigo métese entre os fogóns de "Larpeiros" para preparar, xunto ao presentador Benigno Campos, unhas albóndegas de porco con queixo de Arzúa.
Para conseguir os ingredientes do prato, o xornalista Tomás Alonso desprázase ata as terras de Arzúa - Ulloa, onde se producen os mellores queixos do país, para coñecer o proceso de elaboración do produto a partir do leite das vacas da comarca. Ademais, sempre co humor como acompañante, visita Lalín e Vigo para facerse coa produtos que os cociñeiros lle pediron na súa lista particular da compra.
O aroma dos piñóns torrados encherá a cociña dos "Larpeiros" mentres cociñan este prato moi orixinal, pero accesible para calquera afeccionado a descubrir novos sabores.
