Adrián vai ata A Coruña para coñecer a Marcos, un peixeiro con produto de primeira e que emprega con moito xeito as novas tecnoloxías para vender aos seus clientes. E Leni viaxa ata Riós para apañar castañas con Olanda, unha fonte de sabedoría neste asunto. Máis de setenta anos entre os castañeiros da súa aldea. E con Pacita, a nosa larpeira aprenderá un xeito curioso de cociñar castañas: asadas e con roxóns. Unha delicia! Hoxe, no Social Club os nosos amigos mais larpeiros sacaranlle partido a estes produtos, preparando un delicioso menú do que serán protagonistas as verduras de tempada, as castañas e o peixe en caldeirada.