O humor de verán do “Land Rober Holidays Show” trasládase ás noites dos luns, en que os espectadores seguirán divertíndose cos mellores sketchs e situacións cómicas a cargo de Roberto Vilar, Eva Iglesias e Xosé A. Touriñán. Nesta ocasión, os protagonistas métense en gasto nunha xoiería; un pobre home descobre que é estéril despois de ter nove fillos; os “Gorrillas” fan das súas unha vez máis; os “Xubilados” están coa diva preferida do programa, Carmen Lomana; e Alba Carrillo xoga ao “Que me estás contando?”.
