O mestre de cerimonias, Roberto Vilar, conta coma sempre, ao longo de dúas horas de humor e diversión, coa colaboración dos seus inseparables Xosé A. Touriñán e Eva Iglesias. Para esta noite, o “Land Rober Holidays Show” ten preparado un show tremendo na compaña dos actores galegos Carlos Blanco, Luís Zahera, Camila Bossa e Sabela Arán, que pintan a mona máis que nunca no programa.
