A cantante e actriz Eva Iglesias, colaboradora habitual de “Land Robert Tunai Show” e protagonista de moitos dos sketchs do programa en que se representan a mulleres galegas de armas tomar, será esta noite a protagonista indiscutible do espazo. Dentro dun especial “Land Eva”, os seus compañeiros de programa, tanto o presentador Roberto Vilar como X.A. Touriñán, amais doutros rostros, habitualmente detrás das cámaras, como os guionistas falarán de como pasou dos escenarios das verbenas ao do programa estrela da noite dos xoves.