Na nova entrega desta noite, o “Land Rober Tunai Show” recibirá a visita dos actores galegos Sabela Arán e Adrián Castiñeiras, protagonistas da nova serie da Televisión de Galicia “Viradeira”. Os convidados xogarán ao “Que me estás contando?” e o presentador Roberto Vilar terá preparada algunha trasnada máis para eles.Tamén pintará a mona un convidado moi especial: Pepe, o do seme, que regresa ao programa para dalo todo. Ademais, o espazo da noite dos xoves contará coma sempre con Xosé A. Touriñán e Eva Iglesias, será un show cos habituais enredos co público e os espectadores.
