Este xoves volve o “Land Rober Tunai Show” á TVG e volverá dar que falar porque por primeira vez o programa sairá ás rúas. O show presentado por Roberto Vilar comezará á vez no estudio e nalgún sitio de Galicia en directo. Os espectadores deben estar moi atentos porque pode ser a súa vila. Os Xubilados aínda non puxeron punto e final á troula que lles deparou o verán. Concha e Manolo van dalo todo nun dos festivais galegos de máis sona. No arranque desta nova temporada, o programa recibirá a visita do actor Tamar Novas, que compartirá show cos polifacéticos David Perdomo e Sabela Arán, un trío de auténtico luxo. Pero isto non é todo. O programa non se despega da actualidade e mediará no caso dos zamoranos que queren converterse en galegos. Haberá novos personaxes, novos retos e novos xogos nun programa en que o público terá aínda máis protagonismo.
