Esta noite, o programa “Land Rober Tunai Show” recibe a dous populares rostros da Televisión de Galicia, os actores Pedro Barroso e Mayka Braña. O primeiro é un dos protagonistas da serie “Vidago Palace”, estreada recentemente polos medios públicos e que se emite os mércores. Interpreta a César, prometido de Carlota, a protagonista da historia, e fillo duns empresarios que triunfaron no Brasil. O portugués é un dos actores máis atractivos do seu país, polo que vai romper máis dun corazón esta noite. Tampouco ten idea do que Roberto Vilar lle ten preparado.
