Nina fala cos seus pais, que lamentan a morte de Abel en accidente de moto. Fonso decide encargarse de organizar o funeral, o que fai sospeitar a Aurora que pretende aproveitar a situación para gañar puntos con seu pai. Pola súa parte, Marisa fala con Amalia sobre a posibilidade de reemprazar a Xaquín en Hortodouro. Rosendo e Belén van á casa dos Douro dar o pésame e recíbeos Andrés, que coquetea con ela. Vera, á que Gonzalo non quere contar aínda que Abel faleceu, pregúntalle a Perfecta polo mozo.
