O programa percorre a costa galega para confirmar a calidade do marisco do país. Durante a súa viaxe, as reporteiras escoitan as impresións e as vivencias persoais das xentes do mar. Investigan cuestións coma onde está o mellor produto, como hai que tratalo e cantos devotos ten en Galicia. Para iso, o equipo do programa viaxa a Cambados, onde fala con expertos mariñeiros e peixeiras de categoría, e a Poio, onde cun grupo de mulleres amosan as mellores ameixas do país. Tamén visita o Grove na procura de centolas. Ademais, as lonxas da Coruña e de Ribeira abren as súas portas para o programa e, en Cangas, os reporteiros cociñan con Merchi Rodal.
