Susana Seivane e David Perdomo son os peregrinos da segunda edición de “Destino Santiago”, o primeiro programa que incorporou a ‘Slow TV’ en España.Neste día de estrea, o programa emítese desde o punto de partida, Vilafranca do Bierzo. Vemos como foi a preparación para o Camiño, con consellos para os camiñantes e algunha que outra sorpresa. Logo, os dous peregrinos comezarán a súa andaina. Na primeira etapa, a gaiteira e o humorista farán os 28,4 quilómetros que hai entre Vilafranca do Bierzo e o seu primeiro destino, O Cebreiro, na que será a súa entrada en Galicia. Ao longo de 16 días percorrerán os 334 quilómetros ata Fisterra. Logo volverán a Santiago para un programa especial o 13 de maio.A partir do luns, a tvG2 emite todos os días en directo a última parte de cada etapa, case tres horas nas que os espectadores poderán vivir xunto aos peregrinos a chegada ao destino. Ademais, haberá un programa resumo cos mellores momentos do día antes do ‘prime time’ na primeira canle da TVG.Es
